茵薇戶外學習日 ＠ 彭福公園

 

今日放低左程程比女麻女麻照顧，陪呢個傻小妹去學校既戶外學習日！

一早我地就出發一齊"返學"啦！....去到彭福公園，大家各自各坐好，就去玩啦！

玩左一陣公園，老師就請我地一齊食午餐！

小朋友當然係玩大過天啦！...食左一陣就走左去LU....

今次整左甜甜圈比薇薇帶....真係覺得好靚呀...哈哈哈....

今日算係我第一次認識薇薇班0的同學仔！

可算係各。有。特。色.....

唉...點解每次佢地都係被篇入0的雜0麥班！

重要0的老師又係....中文老師開左學兩個多月就換左3手啦！....

都唔知點算好.....一入又係三年啦！....

希望妹妹唔好好似家姐個時咁樣樣啦！...

真係好傷心....可唔可以調班架﹖

辛辛苦苦經營左六年，茵薇係幼稚園既表現成績亦好好，

但係入左呢班究竟會變成點樣呀﹖。。。

真係令我好擔憂，因為瑩瑩個時又係咁樣。。。

我真係唔想同一件事發生兩次三次。。。嗚嗚嗚。。。

瑩瑩學界游泳比賽 ＋ 香港公園瀡滑梯

 

經過左三年既努力試水，

今年終於如願參加到學界游泳比賽啦！

呢幾日重不停話好緊張好緊張好緊張，
比賽完睇板游 1：00：*...😱

心諗:嘩！攪咩慢左咁多！次次臨場都出事！
點知睇返賽果原來實際係游50：24 。。。

可能只係因為拍板太細力！...=P

原本今日諗住唔去睇瑩瑩比賽，左計又計0的時間。。。
最後都係好想出去睇佢...
就咁就出左去。。。

11：50 維園睇瑩瑩比賽
12：25 小西灣接薇薇放學
13：00 柴灣送程程上校車
14：00 維園接埋瑩瑩走

真係好趕好趕好趕好趕。。。

 

 

 

接左瑩瑩之後，我地就落左香港公園玩啦！....

條4尺長既滑梯剛剛開返，當然要去試試佢啦！....

佢地都話好好好好玩呀！....不口過要5-12歲先玩到！

細佬要大0的先有我去LU.....

 

＊繁忙兒童 VS 繁忙媽媽＊

 

人家說＂繁忙兒童＂就聽得多，

但係＂繁忙媽媽＂又聽過嗎﹖

我就確實係一個＂繁忙媽媽＂啦！

９歲既瑩瑩，而家會安排晒自己想玩既活動，

一開學就帶一大堆通告返黎比我簽，

我呢個媽媽就只需要配合按時間接送，同埋。。。比錢

哈哈哈。。。唔好問我點解佢會咁忙。。。

我都好想知：＂點解五年班重可以咁忙．．．＂

星期六既早上，已經溫好左中默，再去游水，再去跳舞。。。

我真心佩服佢既體力同精神。。。。＝）

不過小朋友而家唔玩，等到幾時玩丫。。。

難得佢有心自己搵咁多節目，安排到都會陪你瘋一次既。。。

心心壽司

 

係網上睇到人整呢個心心壽司，

原來好易整架。。。所以就試一試吧！

佢地睇到都好開心呀！。。。

而家每日都會整飯盒比兩個囡同老公帶返工返學。。。

有時都煮到唔知煮咩好啦！

唯有得閒時就攪攪新意思吧！。。。＝Ｐ

*~ 第一次挑戰 50 米 ~*

 

今次兩個囡第一次參加50米游泳比賽，

7:30已經要到長沙環報到，真係早過返工返學呀！

瑩瑩同薇薇都可以順利完成到....已經好叻叻囡了.....HURRAY....

對我地黎講瑩瑩算係游得好好了，始終都有一年無游水，

最近先開始練習返，同埋見到佢咁鐘意游水，都已經好好了。

反而薇薇今次就游得差少少，又游錯晒姿勢，

希望佢下一次會游得好點啦！....

＊程程第一次夾到公仔＊

 

每日無得彈波波，所以就改左玩夾公仔，

兩個囡都夾唔到，點知。。。

比呢個傻豬仔用兩蚊就夾到隻超可愛既比卡超啦！

開心到個傻豬仔一直攬住唔捨得放開。。。

真係傻人有傻福。。。＝Ｐ

My Boy is 4 ~ *

 

我家小男孩4歲啦！

轉眼就4歲，記得想有你時只係一時想法，

估唔到你真係係我30歲收工前就黎左！

你呢個傻豬係一直都好惡，對好多野好堅持，

到而家最鍾意都係尖叫，雖然真係好唔鍾意你尖叫！

但係你確實係每次有原因先會咁做！

希望你大個仔會叫小一點啦！....

今日一早起身，你一見到我第一句就問：今日邊個生日呀﹖

哈哈哈...知啦知啦！...我記得係你生日啦！...

返學前話左同你去買生日禮物，但係要去拎錢先....

你以為我唔同你去，個樣好好笑呀....

傻豬仔，要繼續開開心心，無憂無慮噢！...

傻豬仔，要健康噢！