2014 深圳青青世界之旅 (20140129)

爸爸話新年前要陪小朋友去個短既旅行玩下，

我話我唔想返大陸，要去佢自己搵資料！...KEEE....

點知比佢搵到呢個地方！ (勁！)

青青世界入面都算有好多野玩，好適合小朋友去玩下！...

而且入面間西餐廳食野真係好抵！...RMB78 已經有一個SET DINNER...

重有係勁豐富架！....而且係煮得好好味！....真係好抵！

兩個囡一去到見到有個露台仔好開心，衝晒出去玩！

爸爸訂左間木屋，好特別，上面有個閣仔，但係太高了，

我地唔係好敢比兩個囡上去，驚佢地發癲嗌交時跌鬼左落黎！

最後，我地五個人逼係兩張單人床道訓！....哈哈哈哈哈.....

木屋外面：

安頓左之後，我地就出去食飯啦，個PACKAGE包左4份牛朳餐！

真係勁大份，勁好味，勁豐富噢！...

如果知道咁大份，我地應該會叫兩份先，然後第二日先用埋個兩份餐卷！=P

餐廳旁邊有個小花園，入面有好多好平既植物賣。

而且訂房重有張卷可以去換花苗，兩個囡一人換左一盤蕃茄仔返黎！

睇完花，終於出發入青青世界啦！...GOGOGO~~

第一站我地去左<<蝴蝶溫室>>睇蝴蝶，唔知點解呢道可以養到咁多蝴蝶呢！

係香港個0的溫室未試話見到有咁多架！...

之後去左一個<<自然學堂>>，個道有好多隻雞放地養架！

走黎走去，好攪笑架！0的小朋友個個追住0的雞四圍走！

之後呢就有個<<熱帶雨林區>>，條橋好斜呀！...

熱帶雨林區入面有個恐龍區，兩個囡以為係真架！...

笑死我地，佢地勁驚，驚有惡龍咬佢地！

熱帶雨林當然會好濕啦，哈哈....濕到要借傘....真係好好玩，好特別！

佢地玩水玩到唔捨得走呀！....卡卡卡....

最後重見到有條彩虹~~~

個道重有個小農莊，種左好多好多瓜果。

原來白蘿蔔都可以種到出花，重要生得高過晒兩個囡！

我地再係周圍行下玩下...然後五點幾就返左木屋...ZZZZZZZZ~~訓晏覺~~

青青世界重有樹屋，真係架係樹上架！

待續。。。。。