【一個停課，一個早放】

妹妹因為佔中問題所以停課了！

係屋企無所事事中，唯有開碟比佢睇！

家姐今日早放12:25 就走得LU....

卡卡卡...好耐無試過單拖湊佢放學！

佢一見到我就問：細佬呢﹖....妹妹呢﹖

睇黎我真係太少同呢個囡囡兩個二人世界了！

佢知得我一個接佢...佢開心到丫...

但係又好掛住細佬妹喎...

係咁問..佢地係邊即...

真係笑死人啦！

＊愛上釣魚的瑩瑩＊

去完露營陪瑩瑩釣過一次魚之後，佢就愛上左啦！

呢個傻妹鍾意玩既野真係成日令人意想不到！

露營完返黎，佢已經不停問"幾時再有得釣魚呀﹖"

爸爸今日終於陪佢去左玩...

重買左支魚杆仔比佢！

不過今次無魚上釣噢！

下次再努力！

【天天送我四萬】

人人都話全職媽媽係晒辛苦既工，

年中係休，重要廿四小時ON CALL...

最緊要係...無糧出！

其實都唔係丫...我日日都有糧出架喎！

程程今日已經出左四萬比我啦！...

卡卡卡...

每日袋呢四萬苟袋肯定開心過我返工出四萬蚊糧呀！

呢期程程好鍾意爬高...

見野就爬...係唔係企高0的...想睇多0的野呢﹖

小朋友都係爬多點好！

一路睇係爬...發現你一直都係道學緊野...諗緊計仔...

你會試下爪住唔同既位去出力...

最後比你搵到個靚位企上去！

大概...呢個都係你學習成長既一步吧！

<<MORE PIC OF TODAY>>

呢個靚女...想去邊呀﹖....LOL

【三寶之趣】

不經不覺又到九月尾啦！

瑩瑩薇薇程程各人向住唔同既方面發現！

年紀的差異，她們的發現都大不同！

瑩瑩

開學差不多一個月，已經三年級的她....

我開始唔管咁多了！

哈哈哈...不知為什麼...

呢個月佢欠交功課特別多！

但是相信這是她成長的一部份！

欠得多,,,自然會小心一點！

這個學年，她看來比之前專心一點！

做功課都比以前有條理！

只是一到默書溫習...還是會有點不願意吧！

希望她會繼續加油啦！不要放棄吧！

薇薇

呢個傻豬一直都唔洗我點理...

好多野都係我想教佢之前...

佢已經自己學識左！

我更加唔想理佢太多返學野...

始於而家知道...佢都係幼稚園嗜...開開心心玩就好了...

無再好似家姐咁逼佢寫字認字！

相反的...原來咁樣....佢更加珍惜學習機會！

佢會自學寫1-15...完全無教佢...亦都無比野佢練習！

佢會自己無啦啦認1-30比我聽....

英文口語突然發現得好好，有時會無啦啦同我地講英文！

重要係講得好好聽！

今日無啦啦比自己畫畫...而畫既野比從前清楚....

明顯知道佢畫咩野..想表達咩野！

重會教埋細佬畫！...真係好乖！

因為我講明唔係我返學，我唔會幫佢記佢0的野...

所以妹妹比較小心，上堂比較留心...

老師講既野佢會好好記住...返黎提我要做！

相信...呢個係我唔得閒理佢既原因！

想不到反而令佢學習更加好！

程程

呢個臭豬黎架！...重有12日就2歲啦！

時間過得真係快！....轉眼已經兩年！

呢排睇返瑩瑩&薇薇0的相,,,

發現我真係好少帶呢隻豬去公園走走...

最近送完家姐返學都會帶佢去玩下先返屋企訓覺...

佢十分之開心啦...日日送完家姐就"園"...哈哈哈

不過呢隻豬仔講野就真係爭少少...

而家都唔係講好多野！不過我又真係唔太擔心既...

慢慢來吧...好似薇薇咁...一講...講唔停架啦！
真係要好好形惜而家估估下既日子！

卡卡卡...呢隻豬仔個樣大個左好多噢！

今日笑任任咁...真係笑死我啦！

能夠陪住你地快快樂樂過每一日...真係好滿足~~

【第三露】一家五口去露營 @ 東龍島 （ＤＡＹ ２）

第二日早上，我地三個女仔負責做早餐！

我負責炒蛋，家姐負責腸仔，妹妹整粟米！

好開心今次兩個囡可以合作幫手煮早餐噢！

感覺特別好味道！ 

【第三露】一家五口去露營 @ 東龍島 （ＤＡＹ １）

又去露一露啦！

原本想上星期就去架啦...

但係撞正家姐表演！....

所以就改左今個星期....

早幾日話會落雨...又話有風打...

嘩...嚇死人咩！

好在今日都好好天....順利出發！

YEAH....

＊8號風球下的假期＊

一早起身，８號風球，

好野唔洗返學！

諗住可以訓晏少少啦～

點知。。。個個起晒身！

都係爸爸最勁！

起埋身陪佢地兩個玩ＢＯＡＲＤ　ＧＡＭＥＳ！

＊三號風球＠感勫＊

上星期天文台已經預告今個星期會打風落大雨！

好感動既係。。。

我呢個成日都好似唔多理我地既老公。。。

＜＜竟然＞＞先動自覺請左半日假幫我手呀！

真的要謝謝你！

如果唔係。。。我都真係唔知點帶住兩個ＭＯ雨去接家姐啦！

每次打風落雨都覺得好麻煩！

今日差唔多１２點先知唔洗返學！

卡卡卡。。。食完飯。。。

呢兩個就趁機去抖抖訓下覺啦！

多謝合作！

＊泳隊選拔＊

學左游水四年了，

今年終於可以去試下學校既泳隊選拔。。。

可以對手都太強啦！

應該唔大機會有得去玩！

不過唔緊要啦！

咩都要試下嘛！

希望來年佢有機會參加啦！

＊培僑小學開放日。瑩瑩小提琴表演＊

嘩....瑩瑩期待左好耐....

由未上小學黎睇開放日...

見到0的哥哥姐姐表演...

呢個傻妹...己經好想好想參與...

係學校學左兩年小提琴...

終於等到呢日啦！

佢開心到係....中秋個日跌倒...我問佢有無事...

佢第一個反應答我：嗚嗚嗚...我點拉小提琴呀！﹖

我真係無想過佢會咁重視...咁緊張彈小提琴架！

好在對手係表演前好返....如果唔係....佢一定好傷心...

＊薇薇唔洗用書包仔啦＊

游左水年幾既妹妹終於唔洗咩書包啦！

今日見到佢自己踢水，覺得好開心呢！

原來唔止我開心，連薇薇自己都好開心呢！

＊我會自己做～整早餐＊

薇薇由細到大都係一個好獨立既小寶寶，

佢咩都可以自己攪得掂！

所以好多時。。。佢都係被我忽略左一個既好寶寶！

四歲既佢。。。有時我唔想出房住。。。叫佢自己去食早餐先。。。

佢就會自己去廚房拎晒０的粟米片呀。。。奶呀。。。餐具出黎！

然後自己攪掂自己食。。。

呢個囡真係獨立到。。有時我以為佢已經好大個囡！

但係想想。。。佢其實都只係四歲。。。

四歲既家姐無論個樣同做既野都好ＢＢ。。。

哈哈哈

＊三姐弟學普通話＊

前幾日同學仔媽媽借左隻ＩＰＥＮ既碟比我地，

而家妹妹本普通話書可以做到點讀啦！

ＹＥＡＨ。。。。

三姐弟有時唔嗌交，唔爭野，亙相學習，亙相幫助真係幾好！

而呢次亦令我發現瑩瑩既優點！

她真的很會照顧弟弟妹妹！

其實她真的好善良，只是工作太忙，有時疏忽左呢個乖囡！

又有時真係只睇佢點樣唔識照顧自己而好生氣！

其實。。。佢雖然唔識照顧好自己，可是佢真係好會照顧其他人！

媽媽要多０的欣賞呢個囡先得！

＊一家大細行山去。南丫島索罟灣 —＞ 榕樹灣

尋晚瑩瑩賞月差不多走時跌到手腳都損晒！

今日話唔同我地去行出山....

都好既....哈哈哈...帶少1個舒服好多！

可以1個打1個！

原本想坐12點船...點知....最後攪到12點先出門口...

出到去都1點啦！...好在剛好有船咋！

入到去...我地就開始行啦...

點知....有人帶錯路...

行左成半個鍾先知....嘩....又熱又攰.....

＊中秋節快樂＊

中秋節啦！。。。係我地１個好鍾意既節日！

因為可以１家人一齊玩燈籠，１齊賞月！

雖然簡單平凡，但係一家人聚埋１齊真係感覺好幸福！

＊爸爸送我行山鞋~＊

為左【一家大細行山去】同埋【一家大細露營去】

可以一直KEEP住走落去！

所以我地開始買左一大堆裝備！...

KEEE....咁行山梗係要有對行山用既鞋啦！....

爸爸就送左對行山鞋比我！ (其實係我話要買....>3<)

KEE....睇左好耐...最後簡左呢對防水既....

我覺得好靚呀！...

今日星期日估唔到都可以收到貨！...

YOOO...星期二可以著去行LAMMA ISLAND啦！....

＊薇薇 K2開學日＊

開學啦開學啦！

妹妹都返埋學我就輕鬆晒啦！

話咁快妹妹已經Ｋ２。。。

真係時間過得好快好快。。。

個時家姐升中班。。。呢個囡囡先出世。。。

而家妹妹就已經自己升Ｋ２啦！

點解時間過得咁快架！

＊瑩瑩三年班開學ＬＵ＊

今日就開學啦！。。。轉眼我囡囡就三年班啦！

好似開始左小學無耐。。。

而家就已經三年班！

雖然佢無我預期中咁。。。

成績一年比一年好。。。

但係我相信佢係一年比一年自信！

希望佢今年有更多方面既突破啦！

亦希望老師會多愛錫佢！

佢有個開開心心既三年班生活啦！

加油呀！我親愛既瑩瑩豬仔！