期待左好耐，終於等到我地今年暑假既重點節目～～
＜＜露營＞＞啦！
爸爸媽媽咁大個人都係第一次去露營架咋！
真係好開心，好興奮呢！
細佬仔太細個啦！我地又未試過露營唔敢帶埋佢去，
所以交低左佢比姨姨。。。哈哈哈。。。
我地去露營，細佬去宿營！
爸爸話佢放低細佬時，佢喊到豬頭咁！
但係無幾耐。。。姨姨已經ＰＯＳＴ相比我地睇佢訓著左ＬＵ！
１２點到我地出發，兩個囡一人一個書包負責自已既野！
妹妹見細佬唔係道就要爸爸抱～～
哈哈哈。。。原來我地三個對鞋咁襯色架！ＫＥＥＥ
兩點到左醫下肚先，之後兩點半就準時出發啦！
ＹＯＯＯ。。。。
去灣仔半島個營地先要係西頁坐半個鐘＃９４巴士去黃石碼頭！
兩個囡太開心，唔肯訓一陣！。。。
不過成個車程都好乖好開心！
到左黃石碼頭，因為早左到，所以等船等左好耐！
幾個係道自拍下。。。好快就玩晒０的時間ＬＵ！
我地就係坐呢架船去營地啦。。。船程１０分鐘左右！
好快就到達啦！。。
妹妹一落船就不停執石仔。。。好開心噢！
執執下執到成褲都係。。好重呀！。。。。ｌｏｌ
行左唔洗１０分鐘就到西營啦！
一去到。。。嚇親。。。咁多牛。。。哈哈哈
原本以為佢地唔會入去個營。。。
原來。。。佢地係無孔不入架！。。。
哈哈哈。。。最後我地成晚同呢０的牛一齊訓覺！
不過佢地真係好馴唔會攪我地０的營既。。。
ＭＡＣ話只要記住＃８７就得！。。因為佢係最為食會食肉架！
ＭＡＣ教完我地點紮個營。。。呢場雨就黎啦！
真係好大雨，不過好舒服。。。
當堂無咁熱！我地算好好運，因為呢兩日一夜就只有一場雨！
趁無雨，拿拿聲起營啦！
原來咁易。。。哈哈哈。。。
我同爸爸一試就愛上左決定要買個營下次自已去！
（今次真係好在有薇薇幫我地影相，先有咁靚既紮營相）
好野，終於起好啦！要開始打營釘！
兩個囡都好叻叻。。。幫手打！。。。
人多好辨事，好快我地就起好晒ＬＵ。。。
ＹＥＡＨ
之後幫手出去打水。。。瑩瑩個煲應該經歷左好多風霜。。。
佢見到之後比個咁既衰樣！。。。哈哈哈。。。
不過呢個傻妹妹真係好幫得手。。。
佢好堅持要自己拎煲水返去，都真係好重架！
妹妹都好叻叻...幫手去洗菜！
返到去MAC 已經SET好晒0的爐具啦！...
可以開始煲水LU...
今日晚餐既食材....
瑩瑩同薇薇都有份幫手，
切切切....兩個一齊切腸仔....
好可愛噢！兩個第一次一齊幫手！
家姐重幫手切菜！
係我地切野時，其他人已經包好晒0的餃子啦！
妹妹同爸爸幫手落落水道！=)
好好味呀！...KEEE.....估唔到去露營都可以包餃子架！
我地食緊野時，有其他人幫手煮通粉！
YUMMY....用罐頭湯加腸仔做個汁....
再加落通粉就食...真係好好味....又好飽！
天黑啦....KIDS TIME....小朋友們拎住電筒去左探險....
有個哥哥真係好勁呀！...一手就可以捉起隻青蛙！
妹妹都好勇敢，同哥哥一齊玩！
沖完涼返去，估唔到重有驚喜！
MAC問有無人食湯丸...心諗...都係即食既....
點知...原來係比包粉我地自己搓呀！
重要意想不到既係....用M&M做餡呀！
哈哈哈...好有趣...好特別既體驗~~
瑩瑩做完之後，返到屋企日日都話想整呀！
今晚SUPER MOON陪住我地訓覺！
因為太攰...佢地都算好快就訓著左！
但係我.....竟然失眠~~
哈哈哈...天光先訓得著！
沒有留言:
張貼留言