【第三露】一家五口去露營 @ 東龍島 （ＤＡＹ ２）

第二日早上，我地三個女仔負責做早餐！

我負責炒蛋，家姐負責腸仔，妹妹整粟米！

好開心今次兩個囡可以合作幫手煮早餐噢！

感覺特別好味道！ 

張檯重有呢０的擺設。。。真係好靚好特別呢！

吃完早餐，收好晒野，我地就出去行下啦！

原本想去行山，點知好多行山既人都唔建議我地去！

最後。。。我地都係四圍行下就算數啦！

哈。。。不過又比我地見到其他重正既地方起營呢！

下次真係要去試下先得！

因為台灣個邊打風。。。所以個海真係勁大浪～

不過又令我地欣賞到更美既風景！

呢個就係我地下次想試下起營既地方啦！

唔知得唔得呢！呢道真係好靚噢！

之後我地就去左炮台個邊又行下。。。

係炮台左面有條小路。。。

行出去。。。又見到另一個靚景～～

兩個囡話呢舊石好似菠蘿！。。。哈哈哈。。。

行完我地就返去整午餐。。。

幾個小朋友就玩今早爸爸搭既吊床啦。。。

ＷＯＯＯ。。。真係好寫意呢！

 家姐玩玩下去左睇圖書。。。真係書不離手架呢個家姐仔！

食完飯。。。家姐就去幫手洗野！ 

因為今日坐五點船返去。。。所以有好多時間慢慢玩下！。。。

佢地三個玩沙玩石。。。

我地就。。。玩火。。。哈哈哈哈。。。

目的只係為左沖ＣＯＦＦＥＥ。。。。

呢張吊床堅好正呀！

今次真係無ＰＬＡＮ野去玩，三個小朋友自由地走！

無玩具。。。但係佢地都玩得好開心！

呢０的就係郊外比到小朋友既野啦！