＊努力學習的茵薇＊

經過左瑩瑩三年既艱辛幼稚園生活之後。。。

薇薇我已經睇我好輕鬆了！。。。盡量由得佢自由發展！

亦都無再強逼佢認字。。。所以佢開學時真係咩都唔識架！

只可惜而家既教育好似係唔比你停咁～～

認字好似係必須品！。。。

只要你唔識。。。老師就會好緊張！

有咩計。。。我見佢０的同學仔。。。

Ｋ１媽媽已經比好多寫字習作佢做。。。

Ａ—Ｚ已經識默了！

妹妹因為身邊既同學咩都識。。。

佢咩都唔識。。。而變得好無自信。。。

佢縮埋一舊無晒自信話唔識個時個樣。。。

真係我湊佢三年黎第一次睇到。。。

有時都覺得好心痛！。。。

但係唔通又真係要追隨嗎﹖

但係又因為薇薇知道咁樣好醜怪。。。

所以佢更加積極搵我地陪佢溫習！

唔似得瑩瑩咩都識晒返去。。。

佢好似未衰過亦唔知道自己要努力一樣！

同爸爸傾左好耐。。。

最後都係決定等佢慢慢來！

認字。。。遲些再算吧！。。。

而家得閒都係陪佢玩下填色。。。

配對下物件吧！。。。。

好喜歡外國人有好多ＷＨＯＬＥ　ＹＥＡＲ　ＰＲＥ—ＳＣＨＯＯＬ　ＥＸ．ＢＫ．．．

佢入面既進度真係慢慢來。。。由配對。。。分物。。。

到認顏色。。。畫線條。。。數數。。。都係慢慢來的！

妹妹對呢種習作既形式都好鐘意！。。。

希望佢可以繼續持續學習啦！。。。。

認字。。。到你想要的時侯。。。

我知你一定會做得好的！。。。

加油。。。親愛的茵薇。。。我愛你！