尋日放學時，麗瑩呢個傻妹好開心咁同我講：『媽咪，我有得入籃球隊呀！但係要星期三同星期六打波！』聽到個刻當然係好突然啦！星期一已經小提琴，星期五又小童軍，日日都好夜先放學，而家又話要留多個星期三，咁功課同默書點攪呀﹖
打比爸爸問佢意見，最後大家都覺得如果唔比呢個機會佢，佢下年入唔到會好失望，好似令佢有份遺憾咁。而且又覺得小朋友有自己既興趣好緊要，所以最後都係決定比佢參加！
呢個傻妹仔都其實好乖，佢而家放左小提琴班同小童軍後會係學校做晒功課等我接佢。佢知道我擔心佢功課做唔晒，佢都自己提出話會小息午休做好晒功課先去玩！(聽住開心下先啦！)
就係咁樣，係一個好突然既情況下，今日就帶左佢返學參加佢第一堂既籃球班了！
沒有留言:
張貼留言