【停課第9日】

無學返...妹妹最開心...

因為有得玩公園！...

小朋友真係好簡單....

無得返學咩，有得玩公園！

理得你出面世界攪緊咩鬼！

理得你出面和唔和平！

理得你出面佔唔佔中！

佢地真係好簡單！...

開開心心又一日！

但係好多人就係因為佔中，無晒生意！

就係因為佔中，要攪到開唔到工！

其實真係好慘~

但係個0的人只會話"爭取就係要犧牲架啦！"

真係無話可說了！

希望件事可以快0的完結啦！

忽然覺得細佬大個仔左好多咁....=)

兩姐弟年紀比較近，所以可以玩得埋點！

有時真係好想好想家姐同妹妹年齡都近一點！

但係...無法啦...等左咁耐先至有妹妹....

三個中，最難有既就係妹妹，

三個中，最乖乖既就係妹妹，

就連老師打黎關心小朋友時...

都大讚妹妹乖乖，無咩野擔心佢，

聽到老師話妹妹各方面都好好，真係好開心。

而最開心當然佢知道...佢係學校有小朋友搶佢手上0的野時...

佢會好冷靜咁同小朋友講：我玩緊，你等一等我丫...

呢一點...比起老師話佢讀書好叻呀...點點點...

來得更加重要....希望妹妹KEEP住乖乖守禮啦！

(PS：妹妹係屋企都會同細佬爭餐死架！)

黎緊細佬就要搵學校了，唔知佢到時讀邊間好！

不過真係要教識佢唔好亂咁尖叫先得！....=P