轉眼....我呢粒豆已經唔再係BB...
程程已經兩歲啦！
但係我地成家竟然個個都忘記左今日係程程生日~
直到10月8日先發現！好在都只係遲左1日！
細佬程程，生日快樂噢！
兩歲既細佬程程
<<衣>>
。開始著90碼BB衫，著23號波鞋仔
<<食>>
。晚上重會食媽媽奶(其實我唔知重有無奶出)
。自己食飯，重有時會用筷子夾野！
。可以自己用杯同樽飲水
<<行>>
。行路都重係有時跌下跌下
<<習慣>>
。講野唔算多，但係單字比從前多左
。好有手尾，唔鍾意間屋亂七八糟
。好鍾意尖叫，玩又叫，喊又叫，好嘈~
。未肯介片，但係就會話比我地知要去廁所開大
。好鍾意人地幫佢R背脊....
今日因為唔記得左係程程生日，
所以生日蛋糕...無
所以生日禮物...無
所以生日快樂...無
就連爸爸,,,都無返屋企陪個仔過！
不過算數啦！程程有我，有瑩瑩，有薇薇.....
今日如常陪程程去左公園仔玩....佢就當然好開心啦！
有得玩喎~~
晚上重有薇薇幫手煮飯...=)
沒有留言:
張貼留言