三母女逛書展

每年暑假書展都係我地既特備節目，

呢幾年我地都會帶兩個囡囡去行下！

買多0的書返屋企比佢地睇...

(哈哈哈...其實有折係折我地都係咁買....)

今年有少少唔一樣....以往都係我簡書為主...

今年家姐同妹妹都有自己想睇既書啦！...

家姐話要買福爾摩斯....重有好多好多查案既猜謎書！

妹妹話要買實驗書...妹妹唔識字架嘛！...但係佢竟然真係自己搵到實驗書拎比我...

咁....有咩理由唔買比佢呢﹖....哈哈哈.....

返到屋企妹妹同0的書影相....SUPER CUTE妹妹呀！...

 呢兩本都係妹妹話要買架！...我話唔好買畫線啦...你要做架喎！

佢竟然話...我鍾意畫線呀...我會做架！...真係太可愛既妹妹....

夜晚第二轉同姨姨一齊去行書展...

姨姨重買左11-50期既GERONIMO STILTON比佢....

真係發大達啦！...$255 十本....

$25.5 /本咋...真係平好多好多呀...

希望佢地都會愛上英文書啦！