一家大細去行山 @【砵甸乍山】

好耐無上過山啦！

今日大家都興致極高。。。

食好晒早餐就準備向山頂走！

同佢地初行...梗係行個近近地架啦！...

今次行左【砵甸乍山】

不過我地只上觀景台....唔入大浪灣！

地點	藍灣半島		燈塔		砵甸乍山觀景台		大浪灣
時間		15 分鐘		35 分鐘		40 分鐘

1.5 小時

5.5 公里

以前妹妹細個，咩都唔識。。。

而家去到邊都問一餐。。。

咩黎架﹖咩黎架﹖

以前瑩瑩咩都唔識得個估字！

而家我話：你地估下！。。。

瑩瑩就好醒咁解答妹妹！

帶住佢地行山最辛苦既莫過於就係。。。

【等】

等了又等。。。等了又等。。。

行快０的啦兩位靚女！

一路行，妹妹執到支樹葉遮太陽~

我就一路上執到支行山仗~

卡卡卡...呢一身衣服都係新買架！

好涼爽而且好快就乾...讚讚讚！

希望快0的收到對行山街...

等我地一家五口行晒香港既所有山啦！

GOOOO~~~

一邊行...一邊睇風景...

感覺真係好舒服！

終於行左一半啦！

比佢地三個停一停抖一抖再行過！

妹妹最可愛！....坐埋一邊食飯...哈哈哈....

好啦...向山頂觀景台走啦！...

麗瑩真係大個囡左...

無喊無咩辛苦無咩累無叫熱...

重不停安慰細佬細妹...

瑩瑩就係有呢種堅忍！

反而妹妹一路行一路喊...

一路叫...好熱呀...好攰呀！....

真係要比呢個囡行多0的先得....

如果唔係第時佢唔夠耐力！

真係好鍾意行山...

好野...到啦...今日天氣好好呀！

風景好靚呀！

瑩瑩好開心呀！...又有得食糖.....卡卡卡

妹妹就最醒....唔理佢地...又坐埋一邊食飯！

我今日焗左雞飯比佢地....

呀...又幾方便喎！

食完飯又去玩啦...

爸爸話...下次帶埋爐具上黎整野食都好....=)

休息多一陣...我地就走LU....

落山...睇到個海...

睇到個天...

睇到大地在我腳下...

感覺真係一流！

咁辛苦行完....當然獎佢地食雪條啦！

下次去LAMMA ISLAND 再行過！