＊嬲爆爆遊科學館＊

激死人啦....個個星期三都落雨....

唔係毛毛雨..係紅雨又試過...超大雨又試過...

攪到個個星期都去唔到親親大自然！

咁算啦...去科學館玩下啦！....

不過真係勁嬲爆爆！...

0的人真係好衰格....

真係好多大陸人會係你手上不停搶走你玩緊既野不得止...

重有好多好奇怪既老人家...會明明已經無晒位...佢重要拎住佢個小朋友對手....逼開你0的小朋友...再塞佢個小朋友對手入去玩....等一陣間係側邊睇住先真係唔得咩﹖....

有個香港小朋友重好笑....搶走人0的野玩...我同佢講"不要搶好嗎﹖"....佢好似好威水咁答我..."我係香港人....你唔洗用普通話同我講野！"....好啦...咁我唯有覆佢一句:"你既然係香港人都做0的咁既野...有0的咁既文化搶人野...你醜唔醜呀﹖"..佢好樣衰咁走開....

(ps:佢地唔係霸住左好耐所以比人逼比人搶...係剛剛企埋去無耐就發生)

瑩瑩同薇薇真係好唔鐘意人咁樣樣逼開佢地同埋真係好唔鐘意人地係佢手上搶走佢玩緊0的野囉！....話完一個到第二道玩又係咁....真係好無隱....攪到兩個都喊....真係....好唔想再去呢0的地方！....

不過今日少人0的...又值得參觀既係呢個探月工程展...

好多野睇...又好多野學！

之後上返上層就..............

明明瑩瑩玩緊....

個阿媽同個仔係會上下其手咁去整你0的野...

人地砌緊架！...佢知唔知架﹖

你整亂晒人地0的野咁人地點玩呀﹖

之後重要連瑩瑩手上既都搶走埋！

已經無晒位好逼....個婆婆重要強行塞佢個孫對手落黎壓住薇薇.....

攪到薇薇喊....

呢0的咪無人爭囉！....玩得幾開心！