失驚無神宿營去 - Day 1

尋晚突然想起今個暑假想去一次宿營，

但係一直都未處理，

拿拿聲睇下邊日有位啦....

點知...原來8月已經FULL晒....

咁就試下上康文暑個網又睇下幾時有啦...

點知...比我見到個第二日出發既....

爸爸話即BOOK....

就係咁....我地黎左個"失驚無神宿營"啦！...

呢個宿營真係好抵...

係土瓜環集合，有車車我地去西貢個營....

$86/大人....$43/小童

再加三餐  $74/位

真係抵到丫.....

2:00集合~~2:30就到左個營啦....

之後等拎埋房之後，就可以開始自由活動啦！....

有好多好多野玩...

但係比較ARM 6歲以上既小朋友....

我地第一樣就去左玩射箭...

嘩...瑩瑩好勁呀！...第一次玩已經似模似樣啦！

真係射得出架！....真係估佢唔到！

不過呢個要8歲以上先玩得！...

細佬同妹妹都無得玩！...

妹妹慘慘豬係道喊噢 ！.....

接住瑩瑩同爸爸玩多round....

我就同薇薇&程程去睇下單車有無得玩！...

YEAH....兩個都有得玩...唔洗慘慘豬LU...

妹妹開心返晒！

家姐返黎LU...重有雪糕食！...

呢個家姐真係好錫兩個細佬妹架！...

如果唔好睇佢0的呢啡野....

其實佢真係好好架....亦都好識照顧人架！

係公園又玩一陣....

細佬對呢道0的水好似好有興趣咁...

不停話"水...水....水..."

真係太熱啦...又未夠鐘食飯....

行左去PLAYROOM玩一陣先...

三個玩到癲晒！

我地兩老就爽晒！

食完個超早既晚飯....

瑩瑩去左踩ROLLER....

薇薇又未夠歲數玩....

所以又做左慘慘豬....

好在爸爸帶左佢去游水先....

我同程程等瑩瑩...

踩左一陣...我地就去左游水啦！

嘩....薇薇同瑩瑩而家游水都叻左好多噢！...

瑩瑩而家真係游得快左...又靚左...

妹妹雖然未游到...但係佢已經似模似樣啦...

應該離自已游水不遠了...

程程第一次去玩...點知....估佢唔到....勁鍾意....

又唔比人拖...自己道咁係水道行....

又浸入水道...真係睇小一陣都唔得掂呀！

有我地陪佢地游水....兩個囡都話好開心噢！

游完水...沖完涼...我地就返房LU....

攪左勁耐...三個終於ZZZZZZ 啦....

GOOD NIGHT~