暑假要HEA住過！！

好多朋友都問我...你0的仔女有咩暑假活動﹖

我都會話...

無架...係屋企玩咋...星期三/六/日帶佢地出去行下囉！

瑩瑩就返小提琴同游水..薇薇就游水....

都係返返平時上既堂咋！

又有人會問...咁佢地係屋企做咩呀﹖

我又會話....

無咩做架！...睇書囉...睇電視囉.....玩玩具囉.....

瑩瑩就會做下暑期作業囉！

有時又同佢地睇下圖書囉！

有時同佢地做下勞作囉！

有會有人問我....咁佢地唔悶咩﹖

我會話：

咁又唔知喎！見佢地無話悶....

又自己有自己既野去做....

我諗唔悶啦...

佢地好忙架喎！好多野玩....

有朋友就話啦...

我個小朋友成日話好悶！

又有朋友話啦....

我個小朋友日日都會問今日上咩堂﹖

其實小朋友唔知自己做咩好...成日覺得好悶...

會唔會因為大人好多時為佢地編排太多...

攪到佢地下一分鐘一個人靜落黎時，連可以做咩好....

自己都唔知呢！

其實小朋友唔係應該每日諗今日咩﹖

點解會覺得每日就係上堂上堂今日上咩堂﹖

雖然朋友話佢小朋友好ENJOY...

但係我反而覺得好慘咁....

人一生重有好多書要讀....

重有好多路要走...

重有好多野要學...

點解四歲就要被密密麻麻既課堂填滿呢﹖

瑩瑩....我曾經瘋過！....

薇薇....我醒覺了！....

程程...更加需要努力堅持！...

輸在起跑線又如何﹖